K6 Gestión Cultural

BLOG!

13 octubre 2011

IGARTUBEITI BASERRI MUSEOKO SAGARDO ASTEA ABIAN BOST ZENTZUEN HITZORDUAREKIN

Semana de la Sidra. Caserío Museo Igartubeiti

Sagarrak sagardo erara almibarrean, odolkia konpotarekin edo sagar crumble-a dira K6 Gestion Cultural-ek eta The Gluton Club-ek antolatutako Sagar motei buruzko Jardunaldian dastatu ahal izan diren zenbait plater aparta, Igartubeiti Baserri Museoko Sagardo Asteko programazioaren barne.

Leer el resto de la entrada

13 octubre 2011

RAFAEL MONEOK MUSEUM CEMENTO REZOLAKO erakusketa berria “MONEO – LOIOLAKO ERRIBERAKO PARROKIA – IESU” INAGURATU DU

Museum Cemento Rezola

Urriaren 4tik, 2012ko urtarrilaren 15era, Museum Cemento Rezolan Donostiako Iesu eliza berri eta abangoardistari buruzko erakusketa bisitatu daiteke, Rafael Moneo arkitekto nafarraren lana.
Leer el resto de la entrada

10 octubre 2011

ERAKUSKETA BERRI BAT INAUGURATZEN DUGU CARLOS SANTAMARÍA ZENTROAN KOKATUTA DAGOEN LIBURUTEGI BERRIAN

K6 gestión cultural-ek Carlos Santamaría, gizon emankorra – el hombre generoso, kontzeptualizatu eta diseinatu du Universidad del País Vasco – Euskal Herriko Unibertsitateako Gipuzkoako Kanpusaren Liburutegi berrirako, eraikuntza berrian, Carlos Santamaría Zentroan.
Leer el resto de la entrada

7 octubre 2011

RAFAEL MONEOK MUSEUM CEMENTO REZOLAKO erakusketa berria “Moneo – Loiolako Erriberarako Parrokia – Iesu” inauguratu du.
Museum Cemento Rezola
Urriaren 4tik, 2012ko urtarrilaren 15era, Museum Cemento Rezolan Donostiako Iesu eliza berri eta abangoardistari buruzko erakusketa bisitatu daiteke, Rafael Moneo arkitekto nafarraren lana.

Erakusketak, K6 Kutur Gestio enpresak diseinatua eta zuzendua, Rafael Moneoren Estudiorekin elkarlanean, eliza donostiarraren diseinu eta eraikuntza prozesua jasotzen du, maketa, plano eta argazkien bitartez.

Ildo honetan, erakusketak, ikuspuntu formaletik abiaturik, arkitektoak Iesu elizaren sorkuntzan adierazi zuen espiritua eta nahia islatu nahi izan ditu, diseinu minimalista eta berritzaile batekin bisitaria hartzen du eta aldi berean bere konplizitatea bilatzen du, proiektuaren atzean dauden lan prozesuak eta eraikuntza eta diseinu xehetasunak aurkitu ditzan.

Erakusketa honek Museum Cemento Rezolaren X. urteurrenari amaiera bikaina ematen dio, zeina lan ildo berri bat jarraituz, diziplina eta ekimen artistiko ezberdinen oinarri kulturalei irekia agertzen zaigu, lurraldearen gizarte eta kulturaren isla.

30 agosto 2011

THE TELEGRAPHEN HITZETAN ESPAINIAKO MUSEORIK ONENETARIKOA DA CRISTÓBAL BALENCIAGA MUSEOA


Leer el resto de la entrada

15 julio 2011

ARTE ERAKUSKETA BERRIA MUSEUM CEMENTO REZOLAN

Uztailaren 15etik aurrera Concrete Landscapes, begiradak bunkerretik aldi baterako erakusketa egongo da ikusgai Museum Cemento Rezolan.
Leer el resto de la entrada

29 junio 2011

ZORIONAK DONOSTIA 2016ko
TALDE GUZTIARI!

K6 Gestión Cultural-etik, berri honenganako alaitasuna partekatzen dugu eta bizitzen ari garen energia positiboko olatuetara batzen gara. Aukera ikaragarria donostiarrentzat eta kultura munduarentzat.

 

8 junio 2011

SAN TELMO, GIZARTE MUSEO BERRIA
San Telmo Museoaren museologia berria

San Telmo museoak eraldaketari ekin zionetik ia 20 urte igaro dira. Udalak 1994an erabaki zuen itxuraz zein edukiz eta diskurtsoz zaharkituta geratu zen museoa berritzeko deialdi publikoa egitea.

K6 Gestión Cultural enpresak aurkezturiko San Telmo: Euskal kulturarako museoa (San Telmo: Un Museo para la Cultura Vasca) aukeratu zuten Espainian aitzindaria izango den museo-eredua sortzeko abiapuntu gisa. Eredu berri hori gizarte museoa da.

Museo-kategoria horrek diziplinartekotasuna proposatzen du gizarteak aurkezteko estrategia gisa. Quebec izan zen, beti ongi partekatu izan ez duen iragana ulertu nahiak bultzatuta, Zibilizazioen Museoa sustatu zuena; horixe izan da historia eta etnologia museoak gizarte museo bilakatzeko erreferentzia-eredua 1988an ireki zutenetik. Zalantzarik gabe, erabakigarria izan da museologiaren historian.

Gainera, eta hortxe dago gizarte museo deiturikoen espezifikotasuna, historia edo etnografia museoetatik erabat bereizten dituen elementu bat daukate: garaikidetasuna diskurtsora ekarri izana, edo, bestela esanda, etorkizuna eraikitzerakoan orainaldiaz baliatzea iraganaren ezagutzatik abiatuta.

Ildo horretatik, aukeratutako proiektuak San Telmoraino ekarri zituen nouvelle museologie izeneko mugimenduaren printzipioak.

Hortaz, proiektuak San Telmoren modernizazio formalaz gain, museologia-korronte berriekin bat egitea ere planteatzen zuen. Korronte horien arabera, museoaren helburua ez da bildumak aurkeztea bakarrik; aitzitik, objektu horiek ekoitzi dituzten gizarteak dira museoko protagonistak.

Ikuspegi horrek mesfidantzak sortu zituen politikarien artean eta oposizio aktiboa gizarteko estamentu eraginkorren artean, ez zegoelako inguruan inolako erreferentziarik. Berriz ere, proiektuak laguntza baino oztopo gehiago aurkitu zituen. Beste ekipamendu batzuek egoera aprobetxatu eta erakundeen adostasuna lortu zuten; lehenik Kursaalak eta ondoren, Tabakalerak.

Zorionez, hori guztia atzean geratu da. Prozesu luzea izan da, ordea. Museoaren urte hauetako kronikak erakusten du zenbat zailtasunari aurre egin behar izan zaien ondarea gordetzeko ohiko gunearen eredu tradizionala gainditzeko eta gaur egungo gaiez gogoeta egiteko gune bilakatu nahi duen museo-ereduari bidea irekitzeko; laburbilduz, gizartearentzat benetako tresna baliagarri bilakatzeko. Elkarrizketarako, eztabaidarako eta ideiak partekatzeko gune. Izan ere, museoaren adierazpen-planteamenduek eztabaidatzea dute helburu, ondorioak aurkeztu ordez.

Beraz, San Telmok Europako historia eta etnologia museo nagusien berrikuntza-mugimenduarekin egin du bat. Museo zerrenda horretan daude, besteak beste, Bretainiako museoa, Quay Branly edo etorkizuneko Europako museoa eta Frantziako Mediterraneo museoa.

Entradas relacionadas

8 junio 2011

K6 GESTIÓN CULTURAL-ek
ARTELEKU-TABAKALERA SORKUNTZA ZENTROKO ZERBITZUEN KUDEAKETAN PARTE HARTUKO DU

2011ko maiatzean, K6 Kudeaketa Kulturalak osatutako zerbitzuak kudeatzeko proiektua deialdi publiko bidez aukeratu zuten, datozen hiru urteetan Arteleku Sorkuntza Zentroko Mediateka, Jarduera Programarako Laguntza eta Multimedia Laborategi zerbitzuei erantzuteko, zentroa aldatzen ari den garaian.

K6 Kudeaketa Kulturalak osatutako zerbitzu-proiektuak datozen hiru urteetan Arteleku Sorkuntza Zentroko Mediateka, Jarduera Programarako Laguntza eta Multimedia Laborategi zerbitzuei erantzungo die.

2011n, Arteleku Zentroaren eta Tabakaleraren arteko bateratzea abiatu da, Artelekuk sorkuntza zentro berri bilakatzeko lehenengo pausoa emanda.
Testuinguru horretan, Arteleku eta Tabakalera elkarlanean hasi dira, Artelekuren programa-premisekin bat egiten duten jardueren programa batetik abiatuta; hau da, sorkuntza, produkzio eta gaur egungo kulturaren gaineko hausnarketarako zentroa izatea. Hala, espresio-modu berrietarako, teknologia digital berrietarako eta multimedia zein ikus-entzunezko proiektuak ikertzeko eta garatzeko espazio bat ireki da.

Esparru horretan, K6 Kudeaketa Kulturalak sortutako zerbitzuak kudeatzeko proiektuaren oinarria da zentroari zerbitzu-plataforma malgu eta zeharkako bat eskaintzea, jarduera-programaren, kolaboratzaileen eta bertan bizi diren artisten, lantaldeen bat-egitearen, zerbitzuaren eta erabiltzaileen beharrei eraginkortasunez erantzuteko. Horretarako, kudeaketa ereduan pixkanaka elkarlan eta ezagutzaren partekatze kultura bat ezarriko dugu, eta kudeaketarako tresna berrien sorkuntzan, bitartekotza prozesuen ezarpenean edo lantaldeen koordinazioan islatuko da.

8 junio 2011

CRISTÓBAL BALENCIAGA MUSEOAK ATEAK ZABALDU DIZKIE BISITARIEI

Pasa den ekainaren 10ean, Cristóbal Balenciaga Museoa zabaldu dute, moda-sortzailearen obrari eskainitakoa, eta hango programa museografikoa K6 Kudeaketa Kulturalak eratu du azken hilabeteotan.

Cristóbal Balenciaga Museoko proiektu museografikoak eszenaratze ikusgarria eta testuingururako hurbilketa didaktiko bat uztartzen ditu, bisitariei alderdi «ikusezina» ezagutarazteko, Balentziagaren obraren atzean dagoen eta berorren bereizgarria den hori.

Horretarako, hurbilketa intuitiboa planteatu dugu, akademikoa baino gehiago. Balentziagaren obraren konplexutasun kontzeptualak eta itxurazko sinpletasun formalak haren bildumaren izaera azaleratu, garrantzia eman eta nabarmenduko duen interpretazio bat eskatzen du, lerro garrantzitsuenak aurkezteaz haratago. Horrela, Cristóbal Balenciaga Museoan, bisitaren haria ez da denboraren igarotzea, eguneko orduak baizik. Balentziaga emakumea Egunerako, Gauerako, Kokteletarako, eta, nola ez, Emaztegai gisa janzten zen. Bildumaren erakusketa ia osoa biltzen duten lau esparru horien aurretik, Hasierako urteak esparrua agertzen da, eta haren bidez, gaztaroko piezak aurkezten dira; moda-sortzaile garaikideen eragina izan zuten piezak, hain zuzen ere.

Balentziagaren funtsezko lanak esparruarekin bukatzen da ibilbidea; bildumari begiratzeko baino gehiago hausnarketarako eta analisirako pentsatutako espazioarekin. Horixe da Cristóbal Balenciaga Museo berriak eskaintzen duen diskurtso museografikoaren sekuentzia.

Bilduma osatzeko, ikus-entzunezko aplikazioak eta multimedia aplikazioak daude ibilbidean zehar, baina bildumen ikus-eremutik kanpo. Hala ere, dela hitzaurre modura, dela azken hitz modura, irakurketa-gakoak ematen dituzte, hausnartzen laguntzen dute eta erakusketaren diskurtsoa osatzen.

Cristóbal Balenciaga Museoa jantzien museografiara aplikatutako joera museologiko berrien adierazlea da. Bertan, ehunak kontserbatzeko baldintza bereziak izugarri zaindu ditugu. Aldi berean, sortu dugun atmosferak bisitaria inguratu, eta bilakaera kromatikoaren bidez egunaren bilakaera adierazten laguntzen du.

Antzeko sarrerak